Mańǵystaý oblysynda birneshe nysannyń jumysy ýaqytsha toqtaıdy

AQTAÝ. QazAqparat - Oblystyń bas memlekettik sanıtarlyq dárigeri Erǵalı Sydymanovtyń qaýlysy boıynsha aldaǵy demalys kúnderi oblys aýmaǵynda karantın erejesine qosymsha shekteý sharalary engiziledi,-dep habarlaıdy QazAqparat tilshisi.

Aldaǵy demalys kúnderi qoǵamdyq oryndardyń, saıabaqtardyń, skverlerdiń, jaǵalaý men akvaparkterdiń jumysy toqtaıdy.

Barlyq bazarlar men fıtnes klýbtar, oıyn-saýyq ortalyqtary men saýda úıleri jumysyn toqtatady (ondaǵy, oıyn-saýyq ortalyqtary men saýda úılerindegi azyq-túlik, dári-dármek pen medıtsınalyq buıymdardy satatyn dúkender men bólimderi jumysy toqtatylmaıdy, jalǵasa beredi).

Bul shekteýler 27,28 maýsym kúnderine jasalyp otyr.

Talaptardy buzǵan jaǵdaıda zań boıynsha shara qabyldanady.