Mańǵystaý oblysynda bir jylda 177 egiz dúnıege keldi

AQTAÝ. QazAqparat – 2022 jyly Mańǵystaý oblysynda 177 egiz, 2 úshem dúnıege keldi, dep habarlaıdy QazAqparat tilshisi.

«2020 jyly oblys aýmaǵynda 147 egiz, 2 úshem, 1 tórtem týylǵan. Al 2021 jyly 169 egiz, 3 úshem dúnıege keldi. Eki jyldyń ishinde Mańǵystaýda dúnıege kelgen egizder sany 30-ǵa artyp, byltyr 177 egiz, 2 úshem jaryq dúnıe esigin ashty», - dep málim etti Mańǵystaý oblystyq Densaýlyq saqtaý basqarmasynyń baspasóz qyzmetinen.

Bıylǵy jyl basynda Mańǵystaý óńirinde ıAsmına, Alına, Adına esimdi alǵashqy úshem dúnıege kelgenin jazǵan edik.