Mańǵystaý oblysynda bir adam gazdan ýlandy
Dárigerler naýqastyń jaǵdaıyn ortasha aýyr dep baǵalap otyr. Bul týraly «QazTransGazAımaq» AQ baspasóz qyzmeti málim etti.
Jetibaı aýylynyń 66 jastaǵy turǵynynyń gazdan ýlanǵany týraly habarlama, 6 sáýir kúni saǵat 09:15-te kelip tústi. Oqıǵa ornyna gaz salasy qyzmetinen basqa tótenshe jaǵdaılar bóliminiń, polıtsııa qyzmetkerleri, Qaraqııa aýdany ákimdiginiń ókilderi keldi. Zardap shekken azamatsha aýrýhanaǵa jatqyzyldy.
«Oqıǵa ornynda avarııalyq brıgada zardap shegýshiniń ýaqytsha saraıda turyp, úı-jaıdy jylytý úshin gaz plıtasynyń peshin qosqanyn anyqtady. Aldyn-ala málimetter boıynsha, saraıda jylytý jabdyqtary men qazandyq ornatylmaǵandyqtan adam ýlanǵan. Bul ýchaskede tehnıkalyq qyzmet kórsetý 2021 jyldyń aqpan aıynda júrgizildi»,-dep habarlady kompanııanyń baspasóz qyzmeti.