Mańǵystaý oblysynda bes aıda eki myńnan astam jańa ǵımarat salyndy

NUR-SULTAN. QazAqparat - Mańǵystaý oblysynda bıyl qańtar-mamyr aılarynda jalpy somasy 55353,3 mln teńge bolatyn qurylys jumystary júrgizildi. Bul týraly óńirdiń statıstıka departamenti málimdedi, dep habarlaıdy tumba.kz.

Vedomstvonyń deregine sensek, sonyń 34093,5 mln teńgesi baspana salýǵa baǵyttalǵan.

Baspana qurylysyna quıylǵan qarajattardyń negizgi kózi ǵımarattardy salýshylardyń óz qarajattary boldy. Olardyń úles salmaǵy 97,3 paıyzdy qurady.

Al sheteldik qurylys kompanııalarynyń úlesi úsh paıyzdan aspaıdy.

Jalpy, bes aıda óńirde jalpy aýdany 569,3 sharshy metr bolatyn 2152 nysan salyndy. Sonyń 2099-y baspana, 53-i basqa maqsattarda salynǵan ǵımarattar. Sonyń ishinde eki balabaqsha ǵımaraty da bar.