Mańǵystaý oblysynda aıazdan kanal qatyp qalyp, kópqabatty úılerge sý tasymaldanyp jatyr

AQTAÝ. QazAqparat – Mańǵystaý oblysynyń Munaıly aýdanynda sý jınaý kanaly aıaz saldarynan qatyp qalyp, kópqabatty úılerge aýyzsý berý kólemi azaıtyldy. Turǵyndarǵa sý kólikpen tasymaldanyp jatyr, dep habarlaıdy QazAqparat tilshisi.

«Qys mezgilinde aýdanǵa saǵatyna 400 tekshe metr sý jiberiledi. Aýa raıynyń kúrt ózgerýine baılanysty sý kólemi saǵatyna 100 tekshe metrge azaıtyldy.

Onyń negizgi sebebi - «Maek» JShS aýmaǵynda ornalasqan sý jınaý kanalynyń qatyp qalýy. Bizge kanaldan sý keledi, ony tuşytyp, aýdandarǵa jiberemiz. Alaıda, keletin sý kólemi azaıǵandyqtan, aýdandarǵa sýdy burynǵy kólemde ázirge bere almaımyz», - dedi «Kaspıı sý tuşytý» zaýytynyń dırektory Baqyt Shapqan.

«Maek» JShS habarlaýynsha, dıametri 500 mm bolatyn JEO-1 qubyrynyń qatyp qalǵan aýmaǵyn jibitý jumystary júrgizilip jatyr.

Aıta keteıik, Munaıly aýdanyndaǵy kópqabatty 10-nan astam úı turǵynynan shaǵym tústi. Olar sý aǵysynyń azaıǵanyn aıtty. Qazirgi tańda kópqabatty úılerge sý tasıtyn 5 kólik qosymsha tegin sý jetkizip jatyr.

Munaıly aýdany ákimdigi kópqabatty úılerge sý búgin keshke qalypty jaǵdaıda berile bastaıdy.