Mańǵystaý oblysynda avtokólik teńizge qulap ketti

AQTAÝ. QazAqparat - Mańǵystaý oblysynda kólik teńizge qulap ketti, dep habarlaıdy QazAqparat tilshisi.

Áleýmettik jelide jarııalanǵan vıdeoda taspada kólik jartylaı sýda tur. Degenmen kóliktiń janynda júrgizýshi men jolaýshylar joq.

«Bul oqıǵa jaıynda aryz berilgen joq. Polıtsııa departamentine nemese kezekshi pýltine qońyraý túspedi. Mańǵystaý oblystyq aýrýhanasyna da túskender joq. Kólik ıesi óz kúshimen kólikti teńizden shyǵaryp alǵan», - dedi oblystyq Polıtsııa departamentiniń baspasóz qyzmeti QazAqparat tilshisine.

Oqıǵa Mańǵystaý oblysyndaǵy «Qarajanbas» ken ornyna jaqyn mańda bolǵan.