Mańǵystaý oblysynda aýyl mektebiniń muǵalimi shıge sýret salýdy úıretýde

AQTAÝ. QazAqparat – Mańǵystaý oblysyndaǵy Saıótes orta mektebi beıneleý óneri pániniń muǵalimi Hıýaz Demeýova oqýshylarǵa arnap sheberlik sabaǵyn ótkizedi, dep habarlaıdy QazAqparat tilshisi.

Ol sýret úıirmesine jetekshilik etedi. Sheber ustaz balalardyń sýret salýǵa qyzyǵýshylyǵyn arttyrý maqsatynda «Gobelen» dep atalatyn erekshe jobany qolǵa alǵan.

«Gobelen óneri uzaq, qajyrly eńbekti talap etedi. ıAǵnı órnekti shı toqýdyń bir túri. Aldymen qaǵazǵa shyǵarmanyń eskızin salamyz. Sodan soń ólshemin, boıaý palıtrasyn tańdaımyz. Eskız daıyn bolǵannan keıin túrli-tústi jipter men qajetti quraldardy daıyndaımyz. Qurylǵy (stanok) súrgilengen aǵashtan jasalyp, ýaq shegeler qaǵylady. Gobelendi toqý jumysy aıaqtalǵanda arqaý jipteri qıylyp, shashaqtalady. Ónerdiń bul túri balalardyń oı órisin, tanym deńgeıin ásemdikke tárbıeleıdi», - dedi Hıýaz Demeýova.

Onyń aıtýynsha, bul iste ár boıaýdyń túsi men úılesimdiligin túsiný mańyzdy. Talantty muǵalim sheberlik sabaqtaryn balalardy qolónerdiń san túrine baýlý úshin uıymdastyrady. Endi oqýshylardyń jazǵy demalysyn tıimdi ótkizý maqsatynda urshyq ıirip, jún tútip, ermeksaz ben kartonnan jańa týyndylardy jasaýdy josparlap otyr.