Mańǵystaý oblysynda aýyl ákimine aqsha jymqyrdy degen aıyp taǵyldy
ASTANA. QazAqparat - Qyzylsaı aýylynyń ákimi aqsha jymqyrdy dep aıyptalýda. Bul faktini Mańǵystaý oblystyq sybaılas jemqorlyqqa qarsy is-qımyl ulttyq bıýro departamenti rastady, dep habarlaıdy QazAqparat Lada.kz saıtyna silteme jasap.
Vedomstvoda atap ótkendeı, aýyl basshysy Baqytjan Іzdijanov aqshalaı qarajat jymqyrǵan. 1 qazanda ustalyp, ýaqytsha ustaý oqshaýlaǵyshyna qamaldy.
«Ol qylmystyq is boıynsha qosymsha dálelderdiń jınalýyna baılanysty bosatyldy. Sotqa deıingi tergeý jumystary jalǵasyp jatyr», - dep habarlady vedomstvoda.
Qosymsha aqparat habarlanǵan joq.
Oǵan QR QK 189-baby 2-bóligi 3-tarmaǵy «Senip tapsyrylǵan bóten múlikti ıemdenip alý nemese talan-tarajǵa salý» boıynsha aıyp taǵylýda. Onyń aıyby dáleldense, múlki tárkilenip, bes jyldan 10 jylǵa deıin bas bostandyǵynan aıyrylýy múmkin.
