Mańǵystaý oblysynda aýdandyq balalar aýrýhanasynda bolǵan órtte eki adam qaza tapty - TJM
ASTANA. Aqpannyń 6-sy. QazAqparat - Mańǵystaý oblysyndaǵy aýdandyq balalar aýrýhanasynda órt shyqty, adam shyǵyny bar,
dep habarlady QR TJM-nyń baspasóz qyzmetinen.
Vedomstvonyń málimetine sáıkes, aqpannyń 5-i kúni tańertengi saǵat 06.10-da Túpqaraǵan aýdanyndaǵy balalar aýrýhanasynda 70 sharshy metr aýmaqta órt shyqty. Otty sóndirý barysynda 21 jáne 43 jastaǵy eki medıtsınalyq qyzmetkerdiń deneleri tabyldy.
«Bir kún buryn, ıaǵnı aqpannyń 4-i kúni elektr energııasynyń óshirilýine baılanysty naýqastar úılerine qaıtarylǵandyqtan, evakýatsııa júrgizilgen joq», - dep anyqtady baspasóz qyzmetinen.
Tilsiz jaý QR TJM Mańǵystaý oblysy boıynsha TJD órtke qarsy qyzmetiniń kúshimen tórt jarym saǵattan keıin aýyzdyqtaldy.
