Mańǵystaý oblysynda ápkeli-inilige jasalǵan qastandyq boıynsha qylmystyq is qozǵaldy
AQTAÝ. QazAqparat - Mańǵystaý oblysy Munaıly aýdany Basqudyq aýylynda qastandyqtyń qurbany bolǵan ápkeli-inili búgin-erteń aýrýhanadan shyǵady, dep habarlady «QazAqparat» HAA tilshisi.
Eske salsaq, 19 mamyr kúni keshke Basqudyq aýylynan ápkeli-inili eki adamǵa qastandyq jasalǵan. 1990 jyly týǵan Aıda 4 jaraqat, onyń 1995 jylǵy inisi 9 jaraqat aldy. Olarǵa qastandyq jasaǵan 1992 jylǵy jas jigit oqıǵadan keıin óziniń basyna oq atty.
Zardap shekkender Aqtaý qalasyndaǵy Mańǵystaý oblystyq aýrýhanasyna jetkizildi.
Oq atqan jigit te klınıkalyq ólim jaǵdaıynda aýrýhanaǵa jetkizildi. Biraq esin jımastan kóz jumdy. Zardap shekkenderdiń jaǵdaılary jaqsaryp keledi.
«Zardap shekkenderdiń jaǵdaıy jaman emes. Psıhologııalyq jaǵdaılary da qalypty. Olar suraqtarǵa ornyqty jaýap berýde. Jaraqattary oqtan bolǵan dep aıta almaımyn, gılzalar tabylǵan joq. Búgin-erteń úılerine shyǵaryp qalamyz», - dedi ortoped-travmatolog Ánýar Áshir.
«Fakti boıynsha QR QK-niń 99-baby 2-bóligi boıynsha qylmystyq is qozǵaldy. Tergeý jalǵasýda. Tergeý barysynda baptar ózgerýi múmkin. Basqa aqparatty qupııalylyqty saqtaý maqsatynda jarııalaýǵa ruqsat joq. Tergeý aıaqtalǵan soń ǵana jarııalanady», - dep habarlady ІІD baspasóz qyzmetiniń basshysy Jazıra Ábil.
