Mańǵystaý oblysynda alıment tólemeı júrgenderdiń qaryzy 30 mln teńgege jetken

AQTAÝ. QazAqparat - Mańǵystaý oblysynda 300-den astam áke alıment tólemeı júr. Olardyń qaryzy 30 mln teńgege jetken, dep habarlaıdy QazAqparat tilshisi.

38 ákege alıment boıynsha qylmystyq is qozǵalǵan. Byltyr alıment tólemeı júrgenderden sot arqyly 50 mıllıon teńge óndirilgen.

«Ákimshilik jaýapkershilik turǵysynan alǵanda boryshkerler alıment tóleý kerek. Tólemegen jaǵdaıda sot birneshe táýlikke qamaıdy nemese ákimshilik aıyppul salýǵa quqyly. Olar úshin qazirdiń ózinde 10, 20, 30 AEK qarjy - aıtarlyqtaı jaza. Olar tabysyn kórsetip, balasynyń aldyndaǵy qaryzyn tóleý kerek. Tólemeý arqyly ákeler ózderine qıyndyq týdyryp otyr. Sońǵy kezde birneshe sot protsesi osyny dáleldedi», - deıdi jeke sot oryndaýshysy Fahraddın Alıev.