Mańǵystaý oblysynda adamdarǵa oq atqan kúdikti ustaldy
ASTANA. QazAqparat - Mańǵystaý oblysynda tórt adamǵa oq atyp, jaralaǵan kúdikti ustaldy. Bul týraly Mańǵystaý oblysynyń ІІD baspasóz qyzmetinen málim etti, dep habarlaıdy QazAqparat.
«Mańǵystaý oblysynyń polıtsııa qyzmetkerleri tórt adamdy oq atyp jaralap, oqıǵa ornyna qashyp ketken kúdiktini qolǵa túsirdi», - dep atap ótilgen taratylǵan málimette.
Bul fakti Mańǵystaý oblysynyń Qaraqııa aýdandyq ishki ister bóliminde Sotqa deıingi tergep-tekserýdiń biryńǵaı tizilimine QR QK-niń 293-baby 3-bóliginiń 2-tarmaǵy boıynsha tirkelip, odan ári qylmystyq is QR QK-niń 24-baby 3-bóligi - 99-baby 2-bóligi 1,6,9-tarmaqtaryna aýystyryldy (2 nemese odan kóp adamdarǵa qatysty adam óltirýge oqtalý buzaqylyq áreketteri).
«Qazirgi ýaqytta qylmystyq is boıynsha tergeýdi Mańǵystaý oblysy ІІD Tergeý basqarmasy qolǵa aldy. Barlyq qajetti tergeý áreketteri júrgizilýde», - delingen habarlamada.
Budan buryn habarlanǵandaı, Mańǵystaý oblysynda oq jaraqatymen birneshe adam aýrýhanaǵa túsken bolatyn.
