Mańǵystaý oblysynda 9 jańa mektep ashyldy

Úsh aýysymdy mektepterdi boldyrmaý maqsatynda bir mektep Aqtaý qalasynda jáne Qaraqııa, Túpqaraǵan, Mańǵystaý aýdandarynda, eki mektep Munaıly aýdanynda jáne 3 mektep Jańaózen qalasynda paıdalanýǵa berildi.  Oblys ákimi Eraly Toǵjanov Aqtaý qalasyndaǵy jańa №29 mekteptiń saltanatty jıynyna qatysty.

«Jańa oqý jylynda Mańǵystaýdyń mektepterine 134 myńnan astam oqýshy barady. Sonyń ishinde, birinshi synypqa 16600 oqýshy. Búgin bilim kúni, ólkemizde syıymdylyǵy 6300 oryndyq jańa 9 mektep paıdalanýǵa berildi. 9 mekteptiń ishinen 4 mektep qurylysy Ulttyq qor qarjysy esebinen, 5 mektep respýblıkalyq bıýdjet esebinen salynýǵa qoldaý tapty. №29 mektep erekshe bolyp tabylady. Mektepke robototehnıka, qurastyrý, baǵdarlamalaý, úlgileý, 3D-jobalaýǵa arnalǵan STEM-laboratorııa ornatyldy. «Jasyl mektebim-jasyl mekenim» jobasy aıasynda kompıýter arqyly basqarlatyn smart-jylyjaı salyndy. Galografıkalyq aqparattandyrý buryshtary, ChIP arqyly oqýshylardyń mektepke kelip-ketýin qadaǵalaý júıesi engizildi.  Sonymen birge emdik d1ene shynyqtyrý kabıneti ashyldy. Osyndaı smart tehnologııalar jáne saýyqtyrý jobalaryn biz barlyq mektepterine engizetin bolamyz», - dedi oblys ákimi Eraly Toǵjanov.

Barlyq  jańadan ashylyp jatqan mektepterde sport  zaldary,  akt zaldary, ashanalary, kitaphanalary, mýltımedııalyq oqý zaldary, zamanaýı jabdyqtalǵan fızıka, hımııa, bıologııa,  ınformatıka,  mýltımedııalyq kabınetteri, ınterbelsendi taqtalarymen jabdyqtalǵan, tehnologııa kabınetteri, tamaq pisirý jáne tigin sheberhanalary men jabdyqtalǵan.  Sondaı-aq, mektepter aýmaǵynda  halyqaralyq standartqa saı sporttyq, oıyn alańdary, júgirý joldary jáne demalýǵa arnalǵan oryndar ornalasqan. Ǵımarattarǵa beınebaqylaý ornatylyp,  ınternet jelisi tartylǵan.

Al, Mańǵystaý aýdany №7 mektep-lıtseıinde, Munaıly aýdanynyń  №13 mektep-gımnazııasy jáne №14 orta mektepte 3 shaǵyn jylyjaı ornalasqan.

Túpqaraǵan aýdanynyń jańa mektep-gımnazııasynda «Tsıfrly Qazaqstan» memlekettik baǵdarlamasy aıasynda tsıfrlyq bilim berý tehnologııalary engizilgen, sonymen qatar, prezıdent kabıneti jumys jasaýǵa daıyn.

Aqparattyq stend arqyly mektepke kelýshiler, oqýshylar, ata-analar  mektep týraly, mekteptiń kúndelikti tynys-tirshiligimen tanysady.  Stendte berilgen aqparattardy (mekteptiń elektrondy tólqujaty, mektep saıty) ártúrli áleýmettik jelilerdegi mekteptiń paraqshalarynan (FB, Instagram, t.b.) QR-code (tez arada qabyldaýshy kod) arqyly alady.

Sonymen qatar, «Tsıfrly Qazaqstan» baǵdarlamasy aıasynda «BOOK WORLD100» jobasyn qoldaný maqsatynda elektrondy úkimet portaly arqyly da usynylǵan qyzmet túrin paıdalanyp, elektrondy 100 oqýlyqty kádesine tájirıbesi engizildi.