Mańǵystaý oblysynda 86 adam karantınde jatyr

NUR-SULTAN. QazAqparat – Mańǵystaý oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti bastyǵynyń orynbasary Rınat Qubataev qazirgi tańda óńirde 86 adam karantınde jatqanyn málim etti, dep habarlaıdy QazAqparat tilshisi.
None
None

«Ystanbuldan ushaqpen ushyp kelgenderdiń bári (koronavırýs juqtyrǵan azamatpen bir bortta kelgen) arnaıy avtobýspen áýejaıdyń observatsııalyq aýrýhanasyna jetkizildi. Bári sol jerge ornalastyryldy. Koronavırýsqa qatysty bárinen analız alyndy. Osy analız boıynsha bir adam tirkelip otyr», - dedi Rınat Qubataev «Habar 24» arnasyndaǵy onlaın rejimdegi baspasóz máslıhatynda.

Onyń aıtýynsha, Mańǵystaý oblysynda qazirgi tańda karantınde 86 adam jatyr. Taǵy 139 adam úı karantıninde.

Al Mańǵystaý oblysynyń densaýlyq saqtaý basqarmasy Ánýar Saǵymbaev oblystyq shtabtyń tıisti jumystardy júrgizip jatqanyn habarlady.

«Koronavırýs juqtyrǵan naýqastyń jaǵdaıy qanaǵattanarlyq, aryz-shaǵymy joq, temperatýrasy qalypty. Ol sońǵy eki aptada óziniń jeke sharýasy boıynsha Ystanbul qalasynda bolǵan», - dedi ol.

Eske sala ketsek búgin koronavırýs ınfektsııasynan juqtyrý jaǵdaıy Mańǵystaý oblysynda da tirkelgen edi.


Сейчас читают