Mańǵystaý oblysynda 41 myńnan astam aýyl turǵyny skrınıngten ótedi
Qazirgi tańda 16 625 adam tekserýden ótti. 18-29 jastaǵylar – 12 020 adam. 30-44 jastaǵylar – 14 915. 45-65 jastaǵylar – 12 822. 66-70 jas – 1937 adamdy qurap otyr. 220 adamnan aýrýshańdyq belgileri anyqtalǵan.
«Skrınıngtik zertteýlerge jatatyn aýyl halqy adamdardyń qosymsha nysanaly toptary: minez-qulyqtyq táýekel faktorlaryn erte anyqtaýǵa, arterııalyq gıpertonııany, júrektiń ıshemııalyq aýrýyn jáne qant dıabetin erte anyqtaýǵa, asqazan-ishek joldarynyń aýrýlaryn jáne sozylmaly búırek aýrýlaryn erte anyqtaýǵa, tynys alý aǵzalarynyń týberkýlezin erte anyqtaýǵa, qýyqasty bezi obyryn erte anyqtaýǵa bolady. Mańǵystaý oblysy turǵyndar ózderiniń tirkelgen emhanasy arqyly skrınıngtik tekseristen óte alady», - dedi Mańǵystaý oblysy densaýlyq saqtaý basqarmasy bastapqy medıko-sanıtarlyq kómek kórsetýdi jáne qoǵamdyq densaýlyqty saqtaýdy uıymdastyrý bólimi basshysynyń m.a. Abzal Syrym.
Aıta keteıik, skrınıngtik zertteýler - ártúrli aýrýlardyń erte satysynda damýyn, sondaı-aq olardyń paıda bolýyna yqpal etetin qaýip faktorlaryn anyqtaý jáne olardyń aldyn alý maqsatynda klınıkalyq sımptomdary men shaǵymdary joq halyqty medıtsınalyq tekserý kesheni.