Mańǵystaý oblysynda 3 oqýshy men 1 muǵalim koronavırýs juqtyrdy

AQTAÝ. QazAqparat – Mańǵystaý oblysynda oqý jyly bastalǵaly 3 oqýshy men 1 muǵalim koronavırýs juqtyrǵan. Bul týraly Mańǵystaý oblysy Taýarlar men kórsetiletin qyzmetterdiń sapasy men qaýipsizdigin baqylaý departamenti epıdemıologııalyq bóliminiń bastyǵy Berdibek Qaraıtaev málim etti, dep habarlaıdy QazAqparat tilshisi.
None
None

«Tapsyrǵan testilerinen koronavırýs ınfektsııasy rastalǵan eki oqýshy qashyqtan oqıdy. Taǵy bireýi №29 orta mektepte oqıdy. Oqýshy qazir karantınde. Ol oqyǵan kezekshi synyp oqýshylary da karantınge jiberildi. Balamen baılanysta bolǵan barlyq adamnan karantınde otyrǵan 7-kúni COVID-19-ǵa analız tegin alynady. Olardyń test qorytyndylary taza shyqsa, mektepke jiberiledi. Sondaı-aq, Munaıly aýdanyndaǵy mektepte aǵylshyn tili muǵaliminen koronavırýs anyqtaldy. Oqytýshymen baılanysqa túskenderdiń barlyǵy tekserýden ótedi», - dedi Berdibek Qaraıtaev.

Onyń aıtýynsha, eger bala sýyq tıip nemese tumaýmen aýyrsa mektepter men balabaqshalardyń ákimshiligi COVID-19-ǵa PTR-testiniń anyqtamasyn talap etýge quqyly emes. Biraq, ata-ana balasynan koronavırýs belgisin kórse, onda emhanada ýchaskelik dárigerden PTR-testini tegin tapsyrýyn talap ete alady.

Oblystyq Bilim basqarmasynyń málimetinshe, eger bir bala koronavırýs ınfektsııasyn juqtyrsa, synypta karantın jarııalanady. Biraq mektep jumysyn jalǵastyra beredi. Bul sharalar sanıtarlyq talaptarǵa sáıkes qabyldanady.

Mańǵystaý oblysynda pandemııa bastalǵaly 43 oqýshy men 23 muǵalim qaýipti indetti juqtyrǵan.

Ótken bir táýlikte vırýsty juqtyrýdyń 4 jaǵdaıy rastaldy.


Сейчас читают