Mańǵystaý oblysynda 3,6 mln tonna munaı qaldyǵy qordalanǵan

ATYRAÝ. QazAqparat – Mańǵystaý oblysynda 3,6 mln tonna munaı qaldyǵy qaıta óńdeledi, dep habarlaıdy QazAqparat tilshisi.

«Mańǵystaý oblysyndaǵy ózekti ekologııalyq problemalardyń biri ondaǵan jyldar boıy qordalanǵan munaı qaldyqtary bolyp tabylady. Ekologııa, geologııa jáne tabıǵı resýrtar mınıstrligi barlyq 3,6 mln tonna munaı qaldyǵyn qaıta óńdeý týraly «QazMunaıGaz» kompanııasymen memorandýmǵa qol qoıdy. Jumystar 2023 jyly aıaqtalýy tıis», - dedi Ekologııa, geologııa jáne tabıǵı resýrtar mınıstri Maǵzum Myrzaǵalıev Atyraýda munaı-gaz salasyn damytý jóninde ótken keńeste.

Eske salaıyq, Atyraýda Prezıdent Qasym-Jomart Toqaevtyń tóraǵalyǵymen munaı-gaz salasyn damytý máselelerine arnalǵan keńeıtilgen keńes ótti.