Mańǵystaý oblysynda 26 jastaǵy qyz bes kúnnen beri izdestirilýde

AQTAÝ. QazAqparat – Mańǵystaý oblysynda Beıneý aýdanynyń turǵyny – 26 jastaǵy Aıdana Aıtaevany izdestirý jumystary jalǵasýda, dep habarlaıdy QazAqparat lada.kz saıtyna silteme jasap.

A.Aıtaeva Beıneý aýdanynyń jergilikti turǵyny. Ol 29 naýryz kúni saǵat 11:00 shamasynda belgisiz baǵytta ketip, qaıta oralmaǵan.

Polıtsııa qyzmetkerleri kóppáterli úılerdiń shatyrlaryn, kottedjderdi, ensiz jáne qurylysy aıaqtalmaǵan úılerdi, oıyn-saýyq ortalyqtary men jaldamaly páterlerdi tekserýde.

Belgileri: boıy 160-165 sm, orta boıly, shashy ıyǵyna deıin. Ústine tizesine deıin sur tústi kýrtka, kók djıns shalbar, qara báteńke kıgen. Erekshe belgileri: sol qoly oń qolyna qaraǵanda qysqa.

Qandaı da bir aqparatqa ıe azamattar Beıneý aýdanynyń polıtsııa bólimshesine habarlasa alady: 8(72932)2-11-79 ılı 8(700)362-30-03, 8(701)302-60-33, 8(702)596-73-71 nemese 102.