Mańǵystaý oblysynda 231 saılaý ýchaskesi jumys isteıdi

AQTAÝ. QazAqparat - Mańǵystaý oblysynda saılaý jumysyn uıymdastyrýdy jáne ótkizýdi qamtamasyz etetin 1 oblystyq, 2 qalalyq, 5 aýdandyq - barlyǵy 8 aýmaqtyq saılaý komıssııasy bar. Bul týraly Mańǵystaý oblysy saılaý komıssııasynyń tóraǵasy Asqar Rzahanov málim etti, dep habarlaıdy QazAqparat.

«Sonymen qatar, Aqtaý qalasy boıynsha 78, Jańaózen qalasy boıynsha 37, Beıneý aýdany boıynsha 28, Qaraqııa aýdany boıynsha 16, Mańǵystaý aýdany boıynsha 22, Munaıly aýdany boıynsha 36, Túpqaraǵan aýdany boıynsha 14, barlyǵy 231 saılaý ýchaskesi bar. Bul ýchaskelerdiń jumysyn júrgizý úshin 1625 komıssııa múshesi tartylǵan», - dedi Asqar Rzahanov.

Jyl basynan Aqtaý qalasynda jańadan ashylǵan shaǵyn aýdandarǵa qonys aýdarýshylardyń sany artty. Sáıkesinshe, saılaýshylar sany ósip, jańa 4 saılaý ýchaskesi ashyldy.

Jańaózen qalasy boıynsha saılaýshylardyń sany shektik deńgeıge jetti. Nátıjesinde Qyzylsaı jáne Rahat aýyldarynda qosymsha 2 saılaý ýchaskesi quryldy.

Munaıly aýdany Basqudyq aýyldyq okrýginde saılaýshylar sanynyń artýyna baılanysty 1 saılaý ýchaskesi, Túpqaraǵan aýdany Saıyn-Shapaǵatov aýyldyq okrýgi halqynyń sany 3000-nan asyp ketýine baılanysty qosymsha 1 saılaý ýchaskesi ashyldy.

Barlyǵy 8 jańa saılaý ýchaskesi quryldy.