Mańǵystaý oblysynda 2025 jylǵa deıin 21 mektep salynady
«Áleýmettik sala óńir damýynyń negizi. 3-6 jastaǵy balalardy mektepke deıingi tárbıemen jáne oqytýmen qamtý - 100%, al 2 jastan 6 jasqa deıingi balalardy qamtý 84,9 paıyzdy qurady. Sońǵy 5 jylda oqýshylar sany 36 myńǵa artty. 2022-2023 oqý jylyna 1 800 oryndyq 2 memlekettik mektep jáne 624 oryndyq 2 qosymsha qurylys paıdalanýǵa berildi. Budan bólek, 4 650 oryndyq 12 jekemenshik mektep ashyldy. Nátıjesinde 3 aýysymdy mektepter sany 18 den 15-ke azaıdy», - dedi oblys basshysy Ortalyq kommýnıkatsııalar qyzmetindegi baspasóz máslıhatynda.
Sonymen qatar, óńir basshysy bilim berý ınfraqurylymyn qoldaý qory esebinen árqaısysy 1 200 oryndyq 4 mektep qurylysyn aıaqtaýǵa 14 mlrd.teńge qarajat qoldaý tapqanyn aıtady. Onyń ekeýi Aqtaý qalasynda, ekeýi Munaıly aýdanynda ornalasqan.
«Memleket basshysy halyqqa Joldaýynda «Árbir oqýshynyń bilim alyp, jan-jaqty damýy úshin qolaıly jaǵdaı jasalýǵa tıis» degen bolatyn. Osy oraıda Úkimetpen «jaıly mektep» ulttyq jobasy qolǵa alyndy. Ulttyq joba aıasynda oblysta 2025 jylǵa deıin 2 aýysymda 44 myń oryndyq 21 mektep qurylysyn salý josparlandy. Barlyq mekteptiń jer ýchaskeleri bólinip, qajetti ınfraqurylymmen tolyqtaı qamtamasyz etildi. Sonymen qatar, bıyl NCOC kompanııasy demeýshiligimen Beki aýylynda 100 oryndyq mekteptiń qurylysy bastaldy. 2021 jyldan bastap aýyl mektepterin jańǵyrtý jumystary bastalyp, sońǵy eki jylda 43 mektep jańǵyrtyldy. 2025 jylǵa deıin 103 aýyl mektebin jańǵyrtý kózdelýde. Memleket basshysynyń tapsyrmasyna sáıkes bıylǵy oqý jylynan bastap 2-shi jáne 4-shi synyp oqıtyn 44 myńǵa jýyq balanyń barlyǵy ystyq tamaqpen qamtamasyz etiletin bolady. Osylaısha oblys boıynsha tegin tamaqpen barlyǵy 90 myń bala qamtylady», - dedi Nurlan Noǵaev.
