Mańǵystaý oblysynda 20 myńǵa jýyq pedagogtyń jalaqysy ósti

AQTAÝ. QazAqparat – Óńirde 20 myńǵa jýyq pedagogtyń jalaqysy 25%-ǵa ósti. Bul týraly búgin Qǵamdyq kommýnıkatsııalar ortalyǵynda ótken brıfıngte óńirlik bilim basqarmasynyń basshysy Asqar Ábıuly Seıdalıev málim etti, dep habarlaıdy QazAqparat tilshisi.

Onyń aıtýynsha, qazirgi ýaqytta aımaq boıynsha barlyq deńgeıdegi bilim berý uıymdarynda 19 myń 844 pedagog qyzmet etedi. Atap aıtsaq, 13 myń 623 muǵalim mektepte, al kolledjderde bir myń 399 oqytýshy sabaq beredi. Sondaı-aq balabaqshalarda 1 myń 822 tárbıeshi shtatta tur.

-«2018 jyldan beri jańartylǵan mazmunda bilim berip kele jatqan bul pedagogtarǵa qosymsha ústemaqy tólenýde. Eńbek ótili 25 jyldan joǵary muǵalimniń jalaqysy bıylǵy qańtardan bastap 25 protsentke kóbeıetinin eskersek, sonda onyń alatyn aılyǵy 262 myń teńgeni quraıtyn bolady. Aýyldyq jerde jumys jasaıtyn muǵalimniń de aılyǵy osynshama paıyzǵa ósedi, ıaǵnı ol 282 myń teńgege deıin jalaqy alatyn bolady», - dedi Asqar Seıdalıev.