Mańǵystaý oblysynda 18 aýla men 64 kósheni sý basty
ASTANA. QazAqparat - Mańǵystaý oblysynda eki táýlik boıy toqtamaı jaýǵan nóser 18 aýla men 64 kósheni sýǵa toltyrdy, dep habarlaıdy 24.kz telearnasy.
Qutqarý qyzmeti kúsheıtilgen tártipte jumys istep jatyr. 200 qutqarýshy arnaıy tehnıkanyń kómegimen 10 myń tekshe metr sýdy soryp alǵan. Tasqynnyń saldarymen Aqtaý, Jańaózen qalalarynyń, sonymen birge Atameken, Basqudyq, Baıandy jáne Jetibaı aýyldarynyń turǵyndary arpalysýda.
«Jumys uıymdastyryldy, barlyq múmkinshilikter paıdalanylyp jatyr. Jańaózende Abılov myrza munaıshylarmen birge jumystardy uıymdastyryp jatyr. Sondyqtan jaǵdaı turaqty, el aman. Jumysty jalǵastyrý kerek», deıdi Mańǵystaý oblysynyń ákimi Alık Aıdarbaev.
