Mańǵystaý oblysynda 17 nysan «Ashyq» jobasynan shettetildi

AQTAÝ. QazAqparat – Mańǵystaý oblysynda 17 kásipkerlik nysan «Ashyq» jobasynan 2 aptaǵa shettetildi. Bul týraly óńirlik kásipkerler palatasy dırektorynyń orynbasary Aqqý Aıtjan málim etti, dep habarlaıdy QazAqparat tilshisi.

Onyń aıtýynsha, jumysyn ýaqytsha toqtatqan 17 nysan joba aıasyndaǵy talaptardy buzǵan. Máselen, 4-eýi kelýshilerdiń sanyn 50 paıyzdan asyrsa, 1-eýi jumys rejımin ustanbaǵan. Al qalǵandary maskalyq rejımdi saqtamaǵan.

«Qazirgi tańda Aqtaý halyqaralyq áýejaıynda «Ashyq» qosymshasy pılottyq rejımde jumys isteıdi. Testik rejım barysynda 1 kún ishinde 1032 skanerleý júrgizilip, nátıjesinde 1 «qyzyl» statýs anyqtaldy. Aldaǵy ýaqytta jobaǵa temirjol vokzalyn qosý josparlanýda. Sondaı-aq balalar oıyn-saýyq keshenderi de arnaıy qosymshaǵa tirkeledi», - dedi Aqqý Aıtjan.

Búginde Mańǵystaý oblysynda 293 kásiporyn «Ashyq» jobasy boıynsha jumys isteýde. Onyń ishinde 241 nysan resmı túrde jobaǵa endi, al 33 nysan testik rejımde qyzmet atqaryp jatyr.