Mańǵystaý oblysynda 1400-ge jýyq stýdent jataqhanaǵa zárý - BǴM
Vedomstvo málimetine sáıkes, Elbasynyń Bes áleýmettik bastamasy sheńberinde aımaqta 2022 jyldyń sońyna deıin 2 140 oryndyq 7 jataqhanany (Bir JOO úshin 170 orynǵa jáne alty kolledj úshin 1 970 orynǵa arnalǵan) qoldanysqa berý kózdelgen.
«Berilgen máseleni sheshý úshin 7 jer ýchaskesinde obektilerdi paıdalanýǵa engizý josparda. Qazirgi ýaqytta 4 nysan boıynsha JSQ ázirlengen joq, al 3-eýi boıynsha JSQ qajet etilmeıdi», - delingen habarlamada.
Jobalardy iske asyrý operatory - «Qarjy ortalyǵy» AQ. Belgilengen mehanızmge sáıkes, jataqhana jańadan salynǵan jaǵdaıda memleketten árbir tósek oryn úshin jyl saıyn - 122 AEK, al ǵımarat qaıta jóndelgende 47 AEK qarajat tólenetin bolady. Tólemderdiń júrgizilý kezeńi - 8 jyl.
«Sonymen qatar, memlekettik tapsyrysty ornalastyrý tetigi týraly Mańǵystaý oblysynyń kásipkerlik qoǵamdastyǵyna aqparat berý maqsatynda «Qarjy ortalyǵy» AQ «Atameken» UKP-men birlesip, bıylǵy 16 mamyrda óńirde túsindirý kezdesýin ótkizdi. Іs-sharaǵa qonaqúı keshenderiniń, hostelderdiń basshylary men basqa da múddeli kásipkerler, «Bilim basqarmasy» MM, «Kaspıı» ÁKK» AQ, «Damý» qorynyń Mańǵystaý oblysy boıynsha aımaqtyq fılıaly qatysty», - dedi mınıstrlikten.
QR BǴM aqparatyna súıensek, 2019 jylǵy mamyr aıyndaǵy jaǵdaı boıynsha Qazaqstanda jataqhanalardy salý jóninde 20 shart jasaldy. Olardyń sheńberinde 2019-2022 jyldar aralyǵynda 6 864 tósek ornyn usyný josparlanýda. Sonyń 13-i Nur-Sultan, Almaty, Shymkent, Qaraǵandy, Qostanaı, Taraz, Oral qalalarynda jańa nysandardy salý jáne 7-eýi Nur-Sultan, Almaty, Shymkent, Aqtaý, Pavlodar, Óskemen qalalarynda rekonstrýktsııalaý jolymen iske asyrylatyn bolady.
