Mańǵystaý oblysynda 13 myńǵa jýyq adam koronavırýs ekpesin aldy
AQTAÝ. QazAqparat - Mańǵystaýda 12 957 adamǵa koronavırýsqa qarsy vaktsına salyndy. Ekpe kabınetteri kóbeıip, 28-ge jetti, dep habarlaıdy QazAqparat tilshisi.
Mańǵystaý oblystyq densaýlyq saqtaý basqarmasy baspasóz qyzmetiniń habarlaýynsha, 18 sáýirde 145 adam vaktsınanyń І komponentimen egilgen. Atap aıtqanda, «Neıron» medıtsınalyq klınıkasynda - 15, QHA ǵımaratynda - 30, Munaıly ortalyq aýdandyq aýrýhanasynda -20, Mańǵystaý aýdandyq ortalyq aýrýhanasynda - 5, Túpqaraǵan ortalyq aýdandyq aýrýhanasynda - 5, Qaraqııa aýdandyq ortalyq aýrýhanasynda -15, №1 Aqtaý qalalyq emhanasynda - 25, «Senim» medıtsınalyq klınıkasynda - 40, «ıAsın» medıtsınalyq ortalyǵynda - 30.
Vaktsınanyń ІІ komponentimen Munaıly ortalyq aýdandyq aýrýhanasynda – 20 adam egildi.
Osylaısha, oblys boıynsha vaktsınatsııalaý bastalǵaly І komponentpen egilgenderdiń jalpy sany 12 957-ge jetti. Vaktsınalardyń qalǵany 7 210 doza.
ІІ komponentpen 1 462 adam egildi, vaktsınalardyń qalǵany 7 835 doza.
«Kez kelgen turǵyn ózi turatyn jerine qaramastan, kez kelgenin egý kabınetinde vaktsına saldyra alady. Vaktsınatsııa dárigerdiń aldyn ala medıtsınalyq tekserýinen keıin ǵana júrgiziledi. Ekpe alý tegin», delingen habarlamada.
