Mańǵystaý oblysynda 12 oqýshy jáne tórt muǵalim koronavırýs juqtyrdy

AQTAÝ. QazAqparat - 17-25 naýryz aralyǵynda Mańǵystaý oblysynda mektep oqýshylary arasynda koronavırýs ınfektsııasyn juqtyrǵan 12 jaǵdaı, muǵalimder arasynda 4 jaǵdaı tirkeldi, dep habarlaıdy QazAqparat.

Bul týraly qoǵamdyq kommýnıkatsııa ortalyǵynda ótken brıfıngte Mańǵystaý oblysy sanıtarııalyq-epıdemıologııalyq departament basshysynyń orynbasary Asylbek Sharov málim etti.

Onyń aıtýynsha, 1 oqýshydan jedel ota jasatý aldyn ótkizilgen dárigerlik tekseris barysynda, al qalǵan 11 oqýshy úıdegi qarym-qatynas arqyly vırýs juqtyrǵan.

Koronavırýs ınfektsııasy Aqtaý qalasyndaǵy 6 mektep pen Munaıly aýdanyndaǵy «Qyzyltóbe lıtseıi» MM oqýshylarynan anyqtalyp otyr.

«Oqýshylardyń 7 - offlaın, 5 - onlaın rejımde oqıdy. 12 oqýshynyń synyby úı karantınine alyndy. 24 naýryzda Aqtaýdaǵy №15 mektebinde offlaın rejımde oqıtyn 2 «B» synyp oqýshysynan vırýs anyqtaldy. Úıdegi qarym-qatynas arqyly juǵyp otyr. 2020 jylǵy 1 qyrkúıekten bastap 17 naýryzǵa deıin mektep oqýshylarynyń arasynda 142 KVI jaǵdaıy tirkeldi. Onyń ishinde 89 oqýshy onlaın, 53 oqýshy offlaın dástúrli formatta oqıtyndar», - dedi Asylbek Sharov.

El boıynsha ótken táýlikte koronavırýs ınfektsııasynyń 1115 jańa jaǵdaıy tirkeldi. Mańǵystaý oblysynda sońǵy reprodýktıvti kórsetkish - 1,1.

Oblysta ótken jyldyń 27 naýryzy men 2021 jyldyń 25 naýryzyna deıin 4369 koronavırýs ınfektsııasy tirkelip, aýrý deńgeıiniń kórsetkishi 592,9 qurady.

Onyń ishinde shaǵymmen –1560 jaǵdaı, shaǵymsyz – 2809 jaǵdaı. Tósek-oryn qorynyń kórsetkishi – 25 paıyz.

Aımaqtar boıynsha aýrý deńgeıi:

Aqtaý qalasy 2520 jaǵdaı- kórsetkish 902,0(57,6%)

Beıneý aýdany 433 jaǵdaı - kórsetkish 632,2(10,1%)

Munaıly aýdany 420jaǵdaı - kórsetkish 295,4(9,6 %)

Jańaózen qalasy boıynsha 322 jaǵdaı - kórsetkish 225,7 (7,5%)

Mańǵystaý aýdany 285jaǵdaı kórsetkish 818,1(6,5%)

Túpqaraǵan aýdany 234 jaǵdaı – kórsetkish 691,0(5,3 %)

Qaraqııa aýdany boıynsha 155 jaǵdaı–kórsetkish 422,0 (3,6%)