Mańǵystaý oblysynda 11 qaraquıryqty zańsyz atqan brakonerler quryqtaldy
ASTANA. 13 qańtar. QazAqparat - Mańǵystaý oblysynda 11 qaraquıryqty zańsyz atqan brakonerler quryqtaldy. Bul aqparatty QR ІІM baspasóz qyzmeti taratyp otyr.
Vedomstvonyń aqparatyna sáıkes, Mańǵystaý oblystyq ІІD-niń tabıǵatty qorǵaý jáne jol polıtsııasy birlesip ótkizgen arnaıy is-shara barysynda «Rýbej-20» beketinde RF azamaty men Aqtaý qalasynyń turǵyny basqarýyndaǵy «Toıota» men «VAZ-21021» kólikteri toqtatylǵan. Kólikterdi tekerý barysynda 11 qaraquıryqtyń eti tabylyp, tárkilengen. Aldyn ala boljamǵa sáıkes, qorshaǵan ortaǵa tıgizilgen zalal 6,6 mln. teńge kóleminde baǵalanyp otyr.
«Atalǵan fakti boıynsha Qazaqstan Respýblıkasy QK-niń 288 babyna sáıkes qylmystyq is qozǵaý máselesi sheshilýde», - delingen baspasóz habarlamasynda.
