Mańǵystaý oblysyna suıytylǵan gaz máselesine baılanysty arnaıy komıssııa jiberiledi - Q. Bozymbaev
Mınıstr aımaq naryǵyndaǵy suıytylǵan gazdyń jaǵdaıymen jeke tanysý maqsatynda bardy. Sapar barysynda Q.Bozymbaev «Ózen» ken ornynda bolyp, sondaı-aq, QazaqGazÓndeý zaýytynyń qyzmetimen tanysty.
Búginde zaýytta 1 myńǵa jýyq adam qyzmet etedi. Zaýyt 1973 jyldan beri toqtamastan jumys jasap keledi. Zaýyttyń qýattylyǵy - 1,5 mlrd tekshe metr gaz. Qazirgi ýaqytta zaýyt 50% qýatpen jumys istep tur.
Eske sala keteıik, búgingi tańda Mańǵystaý oblysynda suıytylǵan gazǵa tapshylyq baıqalyp otyr. Ótken jyldyń naýryz aıynan bastap, barlyq gaz óndeý zaýyttaryna biryńǵaı kóterme baǵa- lıtrine 6 teńgege belgilendi. Sáıkesinshe, gazdyń bir tonnasy 11 034 teńgege satylady. Bir tonna gazdyń ózindik quny 29 myń teńge. Bıylǵy jyldyń 1 toqsanynda zaýyttyń shyǵyny 2,6 mlrd teńgege jetti. Sonymen birge suıytylǵan gazdyń kúnnen-kúnge óndirý kólemi ósip otyr. Ótken jyl QazGÓZ 162 myń tonna gaz óndirdi. QazGÓZ mamandarynyń aıtýynsha, óndiris shyǵynyn boldyrmaýdyń birden-bir joly - gazdyń kóterme baǵasyn ósirý. Biraq, bul másele mınıstrlik deńgeıinde sheshilýi qajet.
Belgilengen baǵa QazGÓZ shyǵynyn jappaıdy. Sonymen birge, gazdyń
Aqtaýdaǵy baǵasy 25-27 teńge.
«Bul úlken aıyrmashylyq. Kelesi aptada Mańǵystaý oblysyna quramynda QR Energetıka mınıstrligi men Tabıǵı monopolııany retteý agenttiginiń sarapshylary bar arnaıy komıssııa jiberemin. Sonan soń QR Ulttyq ekonomıka mınıstrimen talqylap, ortaq sheshimge kelýimiz qajet. Gazdyń ne kóterme, ne bólshek saýda baǵasyn kóterýimiz qajet. Zaýytty shyǵynǵa ushyratpaı, gazdyń bólshek saýda baǵasyn da qatty kótermeýimiz qajet. Kelesi aptada komıssııa jan-jaqty qarap, durys sheshim qabyldaıdy. Bir aıtarym- óndiriske zııan kelmeý kerek. QazGÓZ qoıyp otyrǵan máselelerdi muqııat qarap, aldymyzdaǵy aptada eki máseleni sheshemiz», - dedi QR Energetıka mınıstri Qanat Bozymbaev.
Sondaı-aq, energetıka mınıstrligi zaýyttyń tabysty bolýyna kómektesýdi josparlap otyr.
Sondaı-aq, energetıka mınıstri Jańózen qalasynyń janar-jaǵar maı beketterinde bolyp, Jetibaı ken ornynyń jáne «Kaspıı bıtým» JShS qyzmetterimen tanysty.
