Mańǵystaý oblysyna mal azyǵy jeńildetilgen tarıfpen jetkiziledi

AQTAÝ. QazAqparat - «Qazaqstan temir joly» UK» AQ Mańǵystaý oblysy ákimdiginiń suranysy boıynsha osy jyldyń birinshi qarashasyna deıin jemshóp tasymaldaýǵa jeńildik engizý jóninde sheshim qabyldady, dep habarlaıdy QazAqparat oblys ákiminiń baspasóz qyzmetine silteme jasap.

20 qyrkúıekten bastap 31 qazan aralyǵynda «QTJ-Júk tasymaly» JShS – «Mańǵystaý JK bólimshesi» fılıalynyń stantsııasynda respýblıkalyq qatynasta ámbebap menshikti vagondarmen bıdaı kebegin, qurama jemdi, arpany, astyq qaldyqtaryn, kúnjarany, jemshóp untaǵyn, tamaq ónerkásibiniń qaldyqtaryn tasymaldaý mynadaı tártippen esepteledi:

1) magıstraldyq temir jol jelisi qyzmetteriniń tarıfteri QR Tabıǵı monopolııalardy retteý Komıteti belgilegen esepteý tártibine sáıkes tolyq kólemde esepteledi;

2) lokomotıvtik tartym qyzmeti men júk jáne kommertsııalyq jumys qyzmetteriniń tarıfteri 0,01 koeffıtsıentimen esepteledi;

3) «Qaztemirtrans» AQ vagondary úshin jumys mólsherlemesi 0,01 koeffıtsıentin qoldana otyryp esepteledi;

4) Basshylyqta belgilengen júkterdi tasymaldaýǵa baılanysty qosymsha qyzmetter úshin 0,01 koeffıtsıentin qoldana otyryp esepteledi;

5) Magıstraldy, stantsııalyq joldarda menshikti vagondardyń aıaldaǵany úshin tólem 0,01 koeffıtsıentin qoldana otyryp esepteledi.

0,01 koeffıtsıenti degenimiz - tómendetilgen jeńildik tarıfi. Tasymaldaý tiziminiń somasy belgilengen esepteý tártibine sáıkes júrgiziledi.

ıAǵnı 0,01 koeffıtsıenti tasymaldaýshynyń tiziminde kórsetilgen júktiń sanyna kóbeıtiledi.

Nátıjesinde jetkizilgen taýardyń eń tómengi esebi shyǵady.

Mysaly, qurama jem tıelgen vagon Qostanaı-Mańǵystaý baǵyty boıynsha jiberiletin bolsa, standartty tarıfter boıynsha tasymaldaý quny - shamamen 420 myń teńge.

0,01 tómendetilgen jeńildikti tarıfpen esepteýler boıynsha osy marshrýt boıynsha jetkizý somasy - shamamen 100 myń teńge.