Mańǵystaý oblysyna koronavırýs vaktsınasynyń 10 myńnan astam dozasy jetkizildi

AQTAÝ. QazAqparat- Mańǵystaý oblysyn koronavırýs vaktsınasynyń 10 600 dozasy jetkizildi, dep habarlaıdy QazAqparat tilshisi.

Onyń 1 000 dozasy Beıneý aýdanyna beriledi. Bul týraly Mańǵystaý oblystyq densaýlyq saqtaý basqarmasynyń baspasóz qyzmeti habarlady.

«Bizde koronavırýs ınfektsııasyna qarsy vaktsınamen jumys isteý tájirıbesi bar. SOVID-19 ınfektsııasynyń aldyn alý úshin vaktsınany saqtaý, esepke alý úshin barlyq jaǵdaı jasalǵan. Aıta ketý kerek, búginde barlyq ekpe alǵandar ózin jaqsy sezinedi. Teris nátıje baıqalmady», - dedi Mańǵystaý oblysynyń Densaýlyq saqtaý basqarmasy qoǵamdyq densaýlyq saqtaý, memlekettik qyzmetter jáne lıtsenzııalaý bóliminiń bas mamany Móldir Qadylbekova.

Vaktsınanyń 9 600 dozasy (4 800 doza І komponent, 4 800 doza ІІ komponenti) qalalyq jáne aýdandyq medıtsınalyq mekemelerge jóneltiledi.

Jalpy óńirde kelesi aptadan bastap turǵyndardy jappaı vaktsınatsııalaý bastalady.

Vaktsınatsııadan buryn mindetti túrde tirkelgen jeri boıynsha emhanadaǵy dárigerden keńes alýy kerek. Dárigerler patsıentti tekserip, sodan keıin preparatty egýge ruqsat beredi.

Mysaly, Aqtaý qalasynda №1 jáne 2 Aqtaý qalalyq emhanalarynda, sondaı-aq «Neıron» medıtsınalyq klınıkasynda vaktsına alýǵa bolady.

Vaktsınalaý bastalǵannan beri oblysta 2 965 adam vaktsına saldyrdy.

Búginde vaktsınanyń I komponentimen 175 adam egildi. 55 adam vaktsınanyń ekinshi kompanentin aldy.

Esterińizge sala keteıik, buǵan deıin reseılik «Sputnik V» vaktsınasymen dárigerler, pedagogtar jáne quqyq qorǵaý organdary egildi.