Mańǵystaý oblysy úshin tabysty eńbek pen tolaǵaı jetistikterge toly jyl boldy - A.Aıdarbaev
ASTANA. QazAqparat - Mańǵystaý oblysynyń ákimi Alık Aıdarbaev óńir jurtshylyǵyn Jańa jylmen quttyqtaı otyryp, aımaq turǵyndary úshin ótken jyl eseli eńbek pen tolaǵaı jetistikterge toly jyl bolǵanyn atap ótti.
«Qurmetti mańǵystaýlyqtar!
Sizderdi Jańa 2016 jylmen shyn júrekten quttyqtaımyn!
Ótken 365 kún elimiz úshin birlik pen bereke saltanat qurǵan, turaqtylyq pen tatýlyq qanat jaıǵan jyl boldy. Qasıetti de, kıeli topyraǵymyzda toılanǵan Qazaq handyǵynyń 550 jyldyǵy, Uly Jeńistiń 70 jyldyǵy, Qazaqstan Respýblıkasy Konstıtýtsııasynyń jáne Qazaqstan halqy Assambleıasynyń 20 jyldyǵy elimizdiń qalyptasý jylnamasyndaǵy tarıhı mańyzdy oqıǵalar. Bunyń barlyǵy memleketimizdiń álemdik saıası qaýymdastyqtaǵy myzǵymas ornyn bekitip, árqaısymyzdyń júregimizge erekshe maqtanysh sezimin uıalatady.
2015 jyly ótken Prezıdent saılaýynda Qazaqstan halqynyń 98%-y Nursultan Ábishuly Nazarbaevqa daýys berip, biraýyzdan qoldady. Bul - halyqtyń Elbasyǵa degen joǵarǵy senimin taǵy bir márte kórsetti.
Búginde Qazaqstan álemdik ekonomıkalyq daǵdarysqa qaramastan, bolashaqqa nyq qadammen aıaq basyp keledi. Biz, tıimdi ekonomıka men demokratııalyq qaǵıdalardy basshylyqqa ala otyryp, básekege qabiletti qoǵam qurýdamyz! Bul barsha qazaqstandyqtardyń, sonyń ishinde mańǵystaýlyqtardyń da qajyrly eńbeginiń jemisi!
Bul jyl - Mańǵystaý oblysy úshin de tabysty eńbek pen tolaǵaı jetistikterge toly jyl boldy. Aımaǵymyzda jańa kásiporyndar iske qosylyp, jańa jumys oryndary ashyldy. Turǵyn úıler jáne áleýmettik nysandar boı kóterip, halyq ıgiligine berildi. Óńir aldyndaǵy tapsyrmalar tolyqtaı oryndalyp, jyl basynda kózdegen ýádelerimiz ben maqsattarymyzdy júzege asyrdyq. Munyń barlyǵy ortaq istiń oń nátıjesi.
Biz keler jyldyń jarqyn keleshekke bastaıtynyna úlken senimmen qaraımyz. Ótken jyldyń mańyzdy oqıǵalarynyń biri - Elbasymyzdyń halyqqa arnaǵan Joldaýy. Osy uly isti abyroımen oryndaýǵaóńirimizdiń árbir azamaty belsene kirisip, ortaq múddege qyzmet etse - bolashaǵymyz baıandy bolmaq.
Qadirli jerlester!
Halqymyzda «Ótken jylǵa ókpe joq, keler jyldan úmit kóp» degen danalyq sóz bar. Biz qashanda ótkenge salaýat aıtyp, bolashaqtan jaqsylyq kútken halyqpyz. Endeshe, keler jyl elimiz ben halqymyz úshin molshylyq, bereke, tatýlyq jáne tolaǵaı tabystar jyly bolǵaı!
Jańa jylda denderińizge saýlyq, otbasylaryńyzǵa amandyq, eńbekte jańa jetistikter tileımin!
Jańa jyldaryńyz qutty bolsyn, ardaqty aǵaıyn!», - delingen ákimniń quttyqtaýynda.
