Mańǵystaý oblysy: Shetel jumys kúshin tartý bóliminiń basshysyna paraqorlyq úshin aıyppul salyndy

AQTAÝ. QazAqparat - Mańǵystaý oblysynyń sybaılas jemqorlyqqa qarsy qyzmeti Mańǵystaý oblysynyń «Jumyspen qamtý jáne halyqty áleýmettik qorǵaý basqarmasy» MM shetel jumys kúshin tartý máseleleri jónindegi bólim basshysy B.A.Kóshimovaǵa qatysty para aldy degen kúdikpen tergeý júrgizdi, dep habarlaıdy QazAqparat QR Sybaılas jemqorlyqqa qarsy is-qımyl agenttigine silteme jasap.

Ol oblys aýmaǵynda eńbek etýge shetel azamattaryna kedergisiz jumys vızasyn berý jáne uzartý úshin sheteldik kompanııa ókilinen 500 AQSh dollary kóleminde para aldy dep kúdiktelgen.

Aqtaý qalalyq sotynyń úkimimen B.Kóshimova para alǵany úshin kináli dep tanylyp, oǵan 5 698 500 teńge kóleminde aıyppul salyndy.

Úkimge shaǵym jasalmaı zańdy kúshine endi.