Mańǵystaý oblysy mektepteriniń ashanalaryna jospardan tys 36 tekseris júrgizildi
AQTAÝ. QazAqparat – Mańǵystaý oblysy mektepteriniń ashanalaryna jospardan tys 36 tekseris júrgizildi. Buǵan ata-analar shaǵymy negiz bolǵan. Bul týraly oblystyq sanıtarııalyq-epıdemıologııalyq baqylaý departamenti basshysynyń orynbasary Asylbek Sharov málim etti, dep habarlaıdy QazAqparat tilshisi.
«QR Prezıdentiniń shaǵyn kásipkerlikke moratorıı jarııalaǵanyna baılanysty qazirgi tańda mektep ashanalaryn tekserýge bolmaıdy. Degenmen, ata-analar tarapynan adamnyń densaýlyǵyna zııan/qater tónedi degen naqty faktilerdi (foto, vıdeo) kórsete otyryp shaǵym jasalǵan jaǵdaıda tekseris júrgizilip, jaýapty tulǵalardyń isi zańmen qaralady. 8 aıdyń ishinde erekshe tártippen – 82, jospardan tys 36 tekseris júrgizildi», - dedi Asylbek Sharov qoǵamdyq kommýnıkatsııalar ortalyǵynda ótken brıfıngide.
Aıtýynsha, tekserýler nátıjesinde 41 aıyppul salynyp, 94 uıǵarym berildi.
Spıker bilim berý mekemeleriniń ashanalarynda fast-fýd ónimderin satýǵa, ystyq tuzdyqtar men dámdeýishterdi, ketchýpterdi, ıodtalǵan tuz ben mıneraldarmen baıytylmaǵan joǵary jáne birinshi surypty bıdaı unyn paıdalanýǵa bolmaıtynyn atap ótti. Sondaı-aq, kún saıyn tańerteń jańa taǵam daıyndaý kerektigin jetkizdi.
Aıta ketsek, oblys boıynsha jańa oqý jylynda 161 mekteptiń oqýshylary ystyq tamaqpen qamtamasyz etile bastady.
Aıta ketsek, 21 qyrkúıekte Oqý-aǵartý mınıstrligi mektep ashanalary men jýynatyn bólmelerin baqylaýǵa arnalǵan «Balaǵa laıyq» aktsııasynyń ekinshi kezeńin bastady.«Balaǵa laıyqtyń» birinshi kezeńi aktsııanyń tıimdiligin kórsetti. Alǵashqy monıtorıng nátıjesinde 1 myńnan astam habarlama tústi. Jergilikti atqarýshy organdarǵa jazǵy demalys kezinde barlyq kemshilikti joıý tapsyryldy», - dedi Oqý-aǵartý mınıstrliginiń Balalardyń quqyqtaryn qorǵaý komıteti tóraǵasynyń orynbasary Elına Paýlı.
