Mańǵystaý oblysy «qyzyl» aımaqta: Bas sanıtarlyq dáriger karantındi kúsheıtti

AQTAÝ. QazAqparat - Mańǵystaý oblysy koronavırýs ınfektsııasynyń taralý qarqyny boıynsha «qyzyl» aımaqqa enýine baılanysty óńirdiń Bas memlekettik-sanıtarlyq dárigeri Ǵ. Nadýevtyń jańa qaýlysy shyqty, dep habarlaıdy QazAqparat tilshisi.

Jańa qaýlyǵa sáıkes senbi jáne jeksenbi kúnderi azyq-túlik jáne azyq-túlik emes jabyq bazarlardyń qyzmeti shekteledi.

Sondaı-aq, sport keshenderi, sport-saýyqtyrý ortalyqtary men fıtnes ortalyqtary demalys kúnderi jumys istemeıdi.

Memlekettik organdar (uıymdar), ulttyq kompanııalar, bıznes-ortalyqtar jáne basqa da ofıs qyzmetkerleriniń 80% qashyqtan jumys rejımine jáne 20% kúndizgi jumys rejımine aýystyrylady.

Balabaqshalar 15 baladan aspaıtyn kezekshi toptarmen jumys isteıdi.

Sýpermarket, gıpermarket jumysy keshki saǵat 23:00-ge deıin jalǵasady.

Qoǵamdyq tamaqtaný oryndary 20:00-ge deıin ashyq bolady.