Mańǵystaý oblysy bokstan Konfederatsııa kýbogyn jeńip aldy

ALMATY. QazAqparat - Búgin Almatydaǵy Balýan Sholaq atyndaǵy sport saraıynda sporttyq jekpe-jek jáne kúsh qoldanylatyn sport túrleri Konfederatsııasy kýboginiń fınaldyq básekeleri ótýde. Alǵash bolyp boksshylar arasyndaǵy jeńimpaz qurama anyqtaldy dep jazady Olympic.kz. 

Bokstan fınaldyq básekede Túrkistan oblysy men Mańǵystaý oblysy kezdesken bolatyn. Óte tartysty ótken kezdesýde 5:4 esebimen Mańǵystaý oblysy jeńiske jetti. 

Kezdesýdiń negizgi ýaqyty 4:4 esebimen teń aıaqtaldy. Túrkistan oblysy sapynan S. Bıbosynov, Q. Erálıev, N. Raıys, B. Nurmaǵambetter jeńiske jetti. 

Mańǵystaýlyq boksshylar qatarynan S. Toltaev, M. Óskenbek, B. Nurdáýletov, A. Dáýrenuly qarsylastaryna des bermedi.

Qosymsha jekpe-jekte mańǵystaýlyq B. Jedibaev namysqa tyrysyp, óz komandasyna jeńis áperdi. 

Osylaısha, birinshi oryndy Mańǵystaý, ekinshi oryndy Túrkistan oblysy ıelendi. Úshinshi satyda Qaraǵandy oblysy men Astana qalasy boksshylary.