Mańǵystaý oblysy árdaıym meniń erekshe nazarymda - Prezıdent

AQTAÝ. QazAqparat - Kıeli Mańǵystaýdy 362 áýlıeniń mekeni dep beker aıtpaǵan. Beket ata, Shaqpaq ata, Shopan ata sııaqty tulǵalardy búkil qazaq pir tutady. Bul týraly Prezıdent Qasym-Jomart Toqaev Mańǵystaý jurtshylyǵymen kezdesýde aıtty, dep habarlaıdy QazAqparat.

«Mańǵystaýdy ashyq aspan astyndaǵy murajaı desek, artyq aıtqandyq emes. Shejireli aımaq ult taǵdyryna qatysty talaı oqıǵalardyń kýási bolǵan. Osy óńirden qazaqtyń kóptegen belgili tulǵalary shyqqan. Jalpy, bul jaqta halqymyzdyń salt-dástúri, ádet-ǵurpy óte jaqsy saqtalǵan. Mańǵystaýdyń áıgili jyrshylar mektebi babalar únin urpaqtan urpaqqa jetkizip keledi», - dedi Memleket basshysy.

Ol s ońǵy jyldary qaıta jańǵyrǵan Otpan taýdaǵy birlik jıyny ónegesi mol, laıyqty oqıǵa bolǵanyn atap ótti. Bul shara halqymyzdyń rýhynyń myqtylyǵyn kórsetti.

Prezıdent jıyn barysynda Táýelsizdik jyldarynda oblystaǵy halyq sany 2,5 esege óskenin atap ótti.

«Óńirde halyq sanynyń kúrt kóbeıýine baılanysty birqatar máseleler bar. Ony biz jaqsy bilemiz. Múmkindikke qaraı bárin birtindep sheship jatyrmyz.

Jalpy, Mańǵystaý oblysy árdaıym meniń erekshe nazarymda. Memleket basshysy qyzmetine kirisken kezde eń aldymen kıeli Túrkistan men Mańǵystaýǵa barǵanymdy bilesizder», - dedi Qasym-Jomart Kemeluly.