Mańǵystaý oblysy ákiminiń burynǵy orynbasary 10 jylǵa sottaldy

NUR-SULTAN. QazAqparat - Mańǵystaý oblysy ákiminiń burynǵy orynbasary iri kólemde para alǵany úshin sottaldy. Bul týraly QazAqparat QR Sybaılas jemqorlyqqa qarsy is-qımyl agentigine silteme jasap habarlaıdy.

«Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti oblys ákiminiń burynǵy birinshi orynbasary S.Amanǵalıevke qatysty sotqa deıingi tergeý jumystaryn aıaqtady. Amanǵalıev qurylys kompanııasynyń ókilinen «Aqtaý qalasynda muz saraıyn salý» jobasyn memlekettik-jekeshelik áriptestik aıasynda kedergisiz iske asyrǵany úshin 115 myń eýro kóleminde para alǵan. Ol 27 tamyz kúni Mańǵystaý oblysynyń qylmystyq ister jónindegi mamandandyrylǵan aýdanaralyq sotynyń úkimimen 10 jylǵa bas bostandyǵynan aıyryldy», - delingen agenttiktiń málimetinde.

Eks-sheneýnik ómir boıy memlekettik qyzmette jumys isteý quqyǵynan aıyryldy.