Mańǵystaý oblystyq saılaý komıssııasy aldaǵy saıası naýqanǵa tolyq daıyn

AQTAÝ.QazAqparat - Mańǵystaý oblystyq saılaý komıssııasy aldaǵy saıası naýqanǵa tolyq daıyn. Saılaý kúni 126 depýtat tańdaý jasaıdy, dep habarlaıdy QazAqparat tilshisi.

14 qańtar Parlament Senatynyń depýtattary saılaýy kúni barlyq deńgeıdegi máslıhat depýtattarynyń birlesken májilisi ótedi. Sodan soń daýys berý bastalady. Barlyǵy 126 depýtat tańdaý jasaıdy.

«Prezıdent saılaýyndaǵydaı bıýlletenderdi alyp, jabyq kabınada daýys beredi. 100 paıyz daıynbyz dep aıtýǵa múmkindik bar. Saılaý protsesi ashyq bolady. Baqylaýshy, BAQ ókilderi, saılaýǵa túsip jatqan úmitkerlerdiń senimdi ókilderi de qatysýǵa tolyq múmkindigi bar», - dedi Mańǵystaý oblystyq saılaý komıssııasy tóraǵasynyń orynbasary Jarmaǵanbet Aıtýarov.

Aıta keteıik, Senat depýttarynyń saılaýyna Mańǵystaýdan 3 kandıdat qatysady.