Mańǵystaý oblystyq máslıxatynyń xatshysy saılandy

AQTAÝ. QazAqparat - Mańǵystaý oblystyq máslıhatynyń kezekten tys 29-sessııasynda depýtattardyń usynysymen máslıhat hatshysy bolyp Nurı Tumyshev saılandy, dep xabarlaıdy QazAqparat tilshisi.

Nurı Lazaruly 1967 jyly Mańǵystaý oblysy Fort-Shevchenko shaharynda dúnıege kelgen. Qazaq jáne orys tilderin jetik meńgergen. Eńbek jolynda laýazymdy qyzmetter atqaryp, mol tájirıbe jınaǵan. Bilim joǵary. 1992 jyly Almaty qalasyndaǵy sáýletshi-qurylys ınstıtýtyn «ınjener-qurylysshy» mamandyǵy boıynsha támamdaǵan. 1987-1998 jyldar aralyǵynda «Energospetsmontaj» óndiristik birlestiginiń № 88 montajdaý-qurylys basqarmasynda montajdaýshy, sheber, aǵa prorab, bas ınjener bolyp jumys jasady.

1998 - 2001 jyldar aralyǵynda «Gandıkap» JShS Bas dırektory.

2001 - 2002 jyldar aralyǵynda «QazaqOılQurylys» JShS Mańǵystaý óńirindegi ókili.

2002-2003 jyldar aralyǵynda «Batys Qurylys» JShS Mańǵystaý oblysyndaǵy ókili.

2003 - 2004 jyldar aralyǵynda «QazMetallSpreı» birlesken qazaq-amerıkan kásipornynyń bas dırektory.

2005 - 2006 jyldar aralyǵynda «QazMunaıGaz» UQ «Teńiz Servıs» JShS bas menedjeri.

2016 jyldan «Nur Otan» partııasy Saıası Keńesiniń múshesi. Mańǵystaý oblystyq máslıhatynyń depýtaty. Partııanyń depýtattyq fraktsııasynyń jetekshisi boldy.

2017-2019 jyldar aralyǵynda «Nur Otan» partııasy Mańǵystaý oblystyq fılıaly tóraǵasynyń birinshi orynbasary bolyp qyzmet etti.