15:15, 27 Maýsym 2023 | GMT +6
Mańǵystaý oblystyq qýyrshaq teatry halyqaralyq festıvalde úzdik atandy
AQTAÝ. QazAqparat - Mańǵystaý oblystyq qýyrshaq teatry halyqaralyq qýyrshaq teatrlary festıvalinde úzdik atandy. Bul týraly oblystyq Mádenıet basqarmasynyń baspasóz qyzmetinen málim etti, dep habarlaıdy QazAqparat tilshisi.
Reseıdiń Sankt-Peterbýrg qalasynda «KÝKART-2023» halyqaralyq qýyrshaq teatrlary festıvali ótip jatyr.
«Festıvalǵa Mańǵystaý oblystyq qýyrshaq teatry qatysyp, rejısser Nadejda Nasyrovanyń «Babalar jeri» spektaklin sahnalady. Qorytyndysy boıynsha óńirdiń qýyrshaq teatry «Otan týraly úzdik spektakl» nomınatsııasyn jeńip aldy», - delingen baspasóz málimetinde.
Aıta keteıik, óner dodasyna álemniń túkpir-túkpirinen 60-tan astam teatr qatysty.
