Mańǵystaý oblystyq densaýlyq saqtaý basqarmasynyń basshysy qyzmetinen ketti

AQTAÝ. QazAqparat - Mańǵystaý oblysy densaýlyq saqtaý basqarmasynyń basshysy Ánýar Saǵymbaev densaýlyǵyna baılanysty óz erkimen qyzmetinen ketti, dep habarlaıdy QazAqparat tilshisi.

Basqarma basshysynyń mindetin ýaqytsha atqarý orynbasary Lázzat Esenǵalıevaǵa júkteldi.

Bul týraly oblys ákiminiń baspasóz hatshysy Facebook paraqshasynda habarlady.

Aıta keteıik, Ánýar Álimjanuly bul laýazymǵa 2019 jyly 26 tamyzda taǵaıyndalǵan bolatyn.

Ánýar Saǵymbaev 1972 jyly týǵan. Bilimi – joǵary. Ol 1995 jyly Aqtóbe memlekettik medıtsına ınstıtýtynda (Batys Qazaqstan medıtsına akademııasy) «emdeý isi» jáne «kásiporyndaǵy ekonomıka jáne basqarý» mamandyqtary boıynsha bilim alǵan. 1995 jyly Mańǵystaý oblystyq aýrýhanada dáriger-ýrolog qyzmetin atqardy. 1996 – 1999 jyldary Qazaq taǵamtaný akademıaıasynyń aspıranty boldy. 2002 – 2003 jyldary aralyǵynda Aqtaýda «Meıirbıke» medıtsınalyq kolledjinde dırektordyń orynbasary qyzmetin atqardy.

2003 – 2005 jyldary QR Densaýlyq saqtaý mınıstrliginiń medıtsına qyzmetin taldaý jáne boljaý ulttyq ortanyń dırektory qyzmetin atqardy. 2006 jyly Aýrýhana menedjmenti boıynsha Germanııada bilim alǵan.

Medıtsına ǵylymdarynyń kandıdaty. 2007 jyly «Densaýlyq saqtaý salasynyń úzdigi» ataǵynyń ıesi atandy.

Buǵan deıin oblystyq densaýlyq saqtaý basqarmasy basshysynyń orynbasary qyzmetin atqardy.