Mańǵystaý oblystyq Densaýlyq saqtaý basqarmasy basshylarynyń biri ustaldy

NUR-SULTAN. QazAqparat – QR Sybaılas jemqorlyqqa qarsy is-qımyl agenttigi Mańǵystaý oblystyq Densaýlyq saqtaý basqarmasy basshylarynyń biri ustalǵanyn rastady, dep habarlaıdy QazAqparat tilshisi.

«Mańǵystaý oblysy boıynsha Sybaılas jemqorlyqqa qarsy qyzmet Mańǵystaý oblystyq Densaýlyq saqtaý basqarmasynyń basshylyǵyna qatysty COVID-19-dyń óńir aýmaǵynda taralýyna jol bermeý baǵytynda bólingen aqsha qarajatyna medıtsınalyq jabdyqtardy satyp alý kezinde laýazymdyq ókilettigin asyra paıdalaný faktisimen sotqa deıingi tergeý júrgizip jatyr», - dedi agenttiktiń asa mańyzdy ister jónindegi tergeýshisi Danııar Bekaıdarov onlaın baspasóz máslıhatynda.

Onyń aıtýynsha, qazirgi ýaqytta basshylardyń biri qamaýǵa alynǵan.

«Budan basqa aqparat zań tártibine sáıkes jarııalanbaıdy», - dedi ol.