Mańǵystaý oblystyq densaýlyq basqarmasynyń eks-basshysy 7 jylǵa sottaldy
ASTANA. QazAqparat - Mańǵystaý oblystyq densaýlyq saqtaý basqarmasynyń burynǵy basshysy Maral Qadyr jeti jylǵa bas bostandyǵynan aıyryldy.
Onyń qol astyndaǵy adamdardan jumystan shyǵarýmen qorqytyp, aqsha talap etip kelgeni anyqtaldy. Sot tórt faktini dáleldedi, dep habarlaıdy «Lada» portaly Aqtaý qalalyq sotynyń baspasóz qyzmetine silteme jasap.
Іs materıalyna sáıkes, Maral Qadyr birinshi jaǵdaıda óziniń qolastyndaǵy qyzmetkerden 30 myń teńge kóleminde para talap etken, ekinshi ret I. esimdi azamatshadan nemeresin emdetýge qolǵabys etý úshin 15 myń teńge alǵan. Úshinshi ret M.Qadyr №1 Aqtaý qalalyq emhanasynyń bas dárigerinen júz myń teńge kóleminde aqsha talap etip, atalǵan somany tóleýden bas tartqan jaǵdaıda, jumystan bosatamyn dep bopsalaǵan. Tórtinshi fakti Týberkýlezge qarsy dıspanserdiń bas dárigerimen baılanysty. Birinshi basshy sondaı-aq ony jumystan shyǵarýmen qorqytyp , eki júz dollar talap etken, - dedi Aqtaý qalalyq sotynyń tóraǵasy Málik Kenjalıev.
Oblystyq densaýlyq saqtaý basqarmasynyń basshysy eki azamattan para alý barysynda ustaldy.
Sýdıa istiń materıaldaryn qarap, Maral Qadyrdy múlkin tárkileı otyryp, jazasyn jalpy rejimdegi kolonııada óteýmen jeti jylǵa bas bostandyǵynan aıyrdy. Úkim sottalýshynyń kámelettik jasqa tolmaǵan qyzy bary eskerile otyryp shyǵaryldy.
