Mańǵystaý oblystyq dene shynyqtyrý basqarmasynyń basshysy aqtalyp, qyzmetine oraldy

AQTAÝ. QazAqparat – Sot sheshimi boıynsha aıyptaýdan aqtalǵan Qanat Jumabaev Mańǵystaý oblystyq dene shynyqtyrý jáne sport basqarmasynyń basshysy qyzmetine qaıta kiristi. Bul týraly oblys ákimdiginiń baspasóz qyzmetinen málim etti, dep habarlaıdy QazAqparat tilshisi.

«Qanat Jumabaev 19 shildede jumysyna resmı túrde oraldy», - delingen baspasóz málimdemesinde.

Ol ótken jyldyń tamyz aıynda «bıýdjet qarajatyn jymqyrdy» degen kúdikke ilingen bolatyn. Toǵyz aıǵa jýyq tergeýde bolyp, mamyr aıynda sot sheshimi boıynsha tolyq aqtaldy.

Qanat Qoshqarbaıulynyń eńbek joly sport salasymen tyǵyz baılanysty. Ol jattyqtyrýshylyqtan bastap memlekettik qyzmettegi basshylyq laýazymǵa deıingi joldan ótti. Aıta ketsek, Mańǵystaý oblysynyń dene shynyqtyrý jáne sport basqarmasy basshysy mindetine 2021 jyldyń qańtar aıynda kirisken edi.