Mańǵystaý oblystyq balalar aýrýhanasynda alǵash ret laparoskopııalyq operatsııa jasaldy

AQTAÝ. QazAqparat - Mańǵystaý oblystyq kópbeıindi balalar aýrýhanasynda alǵash ret laparoskopııa ádisimen nesep jolyna operatsııa jasaldy, dep habarlaıdy QazAqparat tilshisi.

Otany aýrýhananyń bilikti hırýrgi Nasýhan Otarǵazıev, ýrolog Murat Bekhojın jáne Ashat Sıhov jasady.

«Jańaózen qalasynyń turǵyny 5 kún buryn balalar aýrýhanasyna tústi. Kúndiz ishi aýyryp, emhanaǵa barǵan. Ol ýaqytta soqyrishek bolyp qaldym dep oılaǵan. Kompıýterlik tomografııaǵa túsirip, nesepaǵarynda tas bar ekeni anyqtaldy. Jalpy tekserýden ótkennen keıin laparoskopııa ádisimen operatsııa jasaldy. Tasty alyp tastap, stend qoıdyq. Búginde jaǵdaıy turaqty. Bólimshede emin alyp jatyr», - dedi hırýrg Nasýhan Otarǵazıev.

Aıta keteıik, laparoskopııa – hırýrgııalyq aralasýlar men organdardyń dıagnostıkalyq zertteýlerin júrgizýdiń zamanaýı ádisi. Bul ádispen jasalǵan otadan keıin naýqastyń densaýlyǵy tez qalpyna keledi.