Mańǵystaý munaıshylary sý tasqynynan zardap shekken aqtóbelikterge qol ushyn sozdy

ASTANA. QazAqparat - Tasqyn saldarynan úıleri sý astynda qalǵan Aqtóbe turǵyndaryna mańǵystaýlyq munaıshylar qol ushyn sozdy. Olar bir kúndik jalaqylaryn tasqynnan zardap shekkenderge aýdardy, dep jazady «Habar 24».

Qara altyn ıgerýshilerden jınalǵan qarajat kólemi 53 mıllıon teńge boldy. Bul kómek Aqtóbedegi sý tasqyny saldarynan úı-jaılaryna zııan kelgen azamattarǵa berildi. Aıta keterligi, óńirdiń qazba baılyǵyn óndirýshi kompanııa ujymynda 6 myńǵa jýyq maman qyzmet atqarady.

«Bir jeńnen qol shyǵaryp, bir jaǵadan bas shyǵaryp, eldiń basyna týǵan osy kúnde qolymyzdan kelgen kómegimizdi jasap jatyrmyz. Qazir endi Aqtóbe oblysynda qurylǵan qaıyrymdylyq qory bar, soǵan 52 mln teńgeden astam aqshany aýdaryp jatyrmyz», - deıdi munaı kompanııasy basshysynyń orynbasary Nurserik Kúdireev.