Mańǵystaý men Saryaǵash poıyz baǵyttaryna jańa vagondar qosylady
NUR-SULTAN. QazAqparat - «Almaty- Mańǵystaý» jáne «Nur-Sultan - Saryaǵash» poıyzdarynyń quramy 25 jańa platskarttyq vagonmen tolyǵady, dep habarlaıdy QazAqparat «Jolaýshylar tasymaly» AQ silteme jasap.
«2019 jyldyń tamyz aıynda joǵarǵy suranystaǵy eki baǵyt - «Almaty- Mańǵystaý» jáne «Nur-Sultan - Saryaǵash» poıyzdarynyń quramy 25 jańa platskarttyq vagonmen tolyǵady. Jańa vagondar aýa salqyndatqysh júıelerimen jabdyqtalǵan. Sonymen birge, zaman talabyna saı komfort pen qaýipsizdik deńgeıi, ekologııalyq taza ájethana oryndary, órtke qarsy dabyl júıeleri eskerilgen», - dep jazylǵan resmı habarlamada.
Kompanııanyń habarlaýynsha, jaz maýsymynda barlyq vagondar iske qosylady.
