Mańǵystaý men Astanada qylmystyq isterdi qaraý deńgeıi tómendep ketti - Joǵarǵy sot
ASTANA. 24 jeltoqsan. QazAqparat /Aıdar Ospanalıev/ -Mańǵystaý men Astanada qylmystyq isterdi qaraý deńgeıi tómendep ketti.
Bul týraly búgin respýblıka sottarynyń 2011 jylǵy jumysynyń qorytyndylary jónindegi keńeıtilgen keńes barysynda Joǵarǵy sot tóraǵasy Bektas Beknazarov aıtty.
Onyń málimetterine qaraǵanda, joǵary deńgeıdegi sot ókilderi Mańǵystaý oblysynda aýdandyq sottardyń 23 azamatqa qatysty nemees 1,6 paıyz iske qatysty shyǵarǵan úkimderiniń kúshin joıǵan. Al ótken jyly bul kórsetkish 0,2 paıyzdy quraǵan. «Al Astana qalasyna keletin bolsaq, munda 21 adamǵa qatysty, ıaǵnı 1,3 paıyz qylmystyq
is boıynsha shyǵarylǵan úkimniń kúshi joıyldy. Ótken jyly bul kórsetkish nebári 0,8 paıyz bolatyn. Bul rette aýdandyq sottardyń úkimderin appelıatsııalyq jolmen ózgertý negizinen isti qaraý barysynda qylmystyq zańnamany durys qoldanbaý, qylmystyq-protsessýaldyq kodeksti buzý sııaqty máselelermen baılanysty. Al qadaǵalaı tártibimen sot úkimin ózgertýdiń basty sebebi isti birjaqty qaraý men tergeý jumystarynyń tolyqqyndy júrgizilmeýine qatysty bolyp otyr»,-dedi Joǵarǵy ot tóraǵasy.
