Mańǵystaý memorgandarynda 60-qa jýyq jemqorlyq táýekelderi anyqtaldy
ASTANA. QazAqparat - 2016 jyly Mańǵystaý oblysynyń memlekettik organdarynda 59 sybaılas jemqorlyq táýekelderi anyqtaldy.
Bul týraly brıfıng barysynda QR Memlekettik qyzmet isteri jáne sybaılas jemqorlyqqa qarsy is-qımyl agenttigi Mańǵystaý oblysy boıynsha departamenti basshysynyń mindetin atqarýshy Erlegen Mendalıev habarlady.
«Departamenttiń jumysynda sybaılas jemqorlyqqa qarsy saýattandyrý, monıtorıng jáne sybaılas jemqorlyq táýekelderin anyqtaýǵa erekshe nazar aýdarylýda. 2016 jyly osy baǵytta 14 syrtqy sybaılas jemqorlyq táýekelderine taldaý júrgizildi. Atqarylǵan jumystar nátıjeleri Ádep jónindegi keńes otyrysynda qaralyp, 59 usynym engizildi, olardyń 41-i qazirgi tańda oryndaldy»,-dep atap ótti ol.
QR Memlekettik qyzmet isteri jáne sybaılas jemqorlyqqa qarsy is-qımyl agenttigi men onyń aýmaqtyq bólimsheleri sybaılas jemqorlyq táýekelderin taldaý, sybaılas jemqorlyqqa qarsy monıtorıng sııaqty sybaılas jemqorlyqtyń sebepteri men alǵysharttaryn joıatyn jańa aldyn alý sharalaryn júzege asyrýda.
