Mańǵystaý mektepteriniń tórtinshi toqsanǵa daıyndyǵy qalaı

AQTAÝ. QazAqparat – Mańǵystaý oblysy bilim basqarmasy basshysynyń mindetin atqarýshy Gúlmıra Mamaeva Mańǵystaýdaǵy mektepterdiń IV toqsanǵa daıyndyǵy týraly brıfıng ótkizdi, dep habarlaıdy QazAqparat tilshisi.

1 sáýirden bastap jalpy bilim beretin mektepterde barlyq synyptardyń oqýshylary úshin synyptardaǵy balalar sanyn 25 adamnan asyrmaı aralas formatta oqytý uıymdastyrylady.

Shtattyq rejımge barlyq bilim mekemeleri kóshedi.

158 876 oqýshy qamtylǵan 158 mektepte 1-11 synyptar úshin oqytý aralas formatta ótedi (70% pán – offlaın, 30 % pán – onlaın formatta).

Ár mektep oqytý kezeńderiniń synyp sanyn jáne onlaın oqytylatyn pánder tizimin jeke anyqtaıdy.

Synyptyń tolymdylyǵy - 25 bala, sabaqtyń uzaqtyǵy - 40 mınýt.

Oqýshylar úshin mektep formasyn saqtaý talap etilmeıdi.

Jekelegen jaǵdaılarda (aýyrǵan nemese aýyrǵandarmen baılanysta bolǵandar) ata-analardyń ótinishimen balalardy qashyqtan oqytýǵa qaldyrýǵa ruqsat etiledi.

Mektep ashanalarynyń jumysy Oblystyq sanıtarııalyq-epıdemıologııalyq baqylaý departamentiniń kelisimimen barlyq sanıtarlyq talaptardy qatań saqtaı otyryp uıymdastyrylady.

Mektepterde kúndelikti jeldetý, aǵymdaǵy dezınfektsııalyq jumystar kúsheıtilip, deratızatsııa, dezınsektsııa jáne dezınfektsııa jumystary kestege sáıkes júrgizilýde.

Barlyq 158 bilim berý uıymdary sanıtarııalyq-epıdemıologııalyq talaptarǵa sáıkes qural-jabdyqtarmen qamtamasyz etildi (teplovızor, sanıtaızer, kvarts lampalary).